گزشتہ شب سے ہی پولیس قبرستانوں پر سخت نگرانی کررہی ہے۔ ممبئی کے معروف علماء نے شہریوں سے اپیل کی ہے کہ وہ شب برات کی نوافل اپنے گھروں میں پڑھیں اور قبرستان جانے سے گریز کریں، جہاں تک ممکن ہوسکے لاک ڈاؤن کی تعمیل کرتے ہوئے اس کورونا وائرس وبا کے خلاف لڑنے میں حکومت اور مقامی انتظامیہ کا تعاون کریں۔
دیکھیں ویڈیو
اس سلسلے میں مولانا سید معین الدین اشرف نے مسلمانوں سے اپیل کی ہے کہ وہ اس مبارک رات میں اپنے گھروں میں رہ کر نوافل پڑھیں اور اس وباء سے بھارت سمیت پوری دنیا کو جلد از جلد نجات ملے، اس کے لیے دعا کریں اور جو لوگ اس بیماری میں انسانی خدمات انجام دے رہے ہیں۔ ان کے حق میں دعا فرمائیں۔
ڈاکٹرز نرس صفائی ملازمین پولیس اہلکاران اور جو مخیر حضرات راشن اور کھانا تقسیم کر رہے ہیں ان کے لیے بھی خصوصی دعا کرنے کی گزارش کی ہے۔
