ناگپور: ناگپور کٹول ہائی وے پر کوالیس کار اور ٹرک کے درمیان تصادم میں 6 افراد کی موت اور ایک زخمی ہوا ہے۔ حادثہ اس وقت پیش آیا جب کار میں سوار افراد ہفتہ کی آدھی رات کو شادی سے واپس آ رہے تھے۔
یہ واقعہ کٹول تعلقہ میں دو علاقوں کے درمیان پیش آیا۔ ایک ٹرک کوالیس کار سے ٹکرا گیا جب وہ ناگپور سے کٹول کی طرف جا رہی تھی۔ یہ سبھی ناگپور میں شادی کی تقریب سے فارغ ہو کر واپس کٹول کی طرف جا رہے تھے۔ زخمی کو ناگپور کے سرکاری میڈیکل اسپتال کے ٹراما سینٹر میں داخل کرایا گیا ہے۔
اس حادثے میں ہلاک ہونے والے افراد کی شناخت 22 سالہ میور انگلے، 32 سالہ ویبھو چکھلے، 42 سالہ سدھاکر منکر، 45 سالہ وٹھل تھوٹے، 40 سالہ اجے چکھلے اور رمیش ہیلونڈے کی حیثیت سے کی گئی ہے۔
مزید پڑھیں: کرناٹک میں خوفناک سڑک حادثہ، دو افراد زندہ جل کر ہلاک
پولیس کو حادثے کی اطلاع ملتے ہی فوری طور پر جائے وقوعہ پر پہنچ کر ریسکیو آپریشن شروع کر دیا۔ کچھ مقامی لوگ بھی موقع پر پہنچ گئے اور ریسکیو آپریشن میں مدد کی۔ کوالیس کار میں سوار چھ افراد موقع پر ہی دم توڑ گئے۔ ان کی لاشیں نکال لی گئیں اور ان کی شناخت کے بعد ان کے اہل خانہ کو حادثے کی اطلاع دی گئی۔ اس حادثے میں مرنے والے تمام چھ افراد کٹول تعلقہ کے رہنے والے ہیں۔ جبکہ جگدیش دھونے شدید زخمی ہیں اور ناگپور میں زیر علاج ہیں۔
