اورنگ آباد: مہاراشٹر کے اورنگ آباد میں سمردھی ایکسپریس وے پر ایک خوفناک سڑک حادثہ پیش آیا۔ اس حادثے میں 12 عقیدت مندوں کی موت ہو گئی۔ بتایا جا رہا ہے کہ کچھ لوگ 'سیلانی بابا درگاہ' کی زیارت کے لیے گاڑی میں جا رہے تھے۔ راستے میں ان گاڑی کی ٹرک سے ٹکر ہو گئی۔ اس میں کئی عقیدت مند جاں بحق ہو گئے۔ پولیس واقعے کی تحقیقات کر رہی ہے۔
ابتدائی اطلاعات کے مطابق اس حادثے میں 12 افراد ہلاک ہوئے ہیں جن میں ایک چار ماہ کا بچہ بھی شامل ہے۔ اس کے علاوہ بیس افراد زخمی ہوئے ہیں۔ وائجا پور اور سمبھاجی نگر کے گھاٹی اسپتال میں زخمیوں کو داخل کرایا گیا ہے۔ یہ حادثہ ویجاپور کے قریب سمردھی ہائی وے پر جمبر گاؤں کے ٹول پلازہ پر پیش آیا۔ یہ حادثہ اس وقت پیش آیا جب عقیدت مندوں سے بھری مِنی بس ایک ٹرک سے ٹکرا گئی۔ ابتدائی جانکاری کے مطابق تمام مسافر ناسک ضلع کے پاتھرڈی اور اندرا نگر کے رہنے والے ہیں۔
مزید پڑھیں: Buldhana Bus Accident بلڈھانہ میں دو بسوں کی ٹکر، چھ امرناتھ یاتری ہلاک، پچیس لوگ زخمی
Buldhana Bus Accident بلڈھانہ میں خوفناک بس حادثہ، چھبیس مسافروں کی موت
جانکاری کے مطابق، چھترپتی سمبھاجی نگر کے کچھ لوگ 'سیلانی بابا درگاہ' کی زیارت کے لیے گاڑی میں جا رہے تھے۔ سمردھی ایکسپریس وے پر گاڑی ایک ٹرک سے ٹکرا گئی۔ تصادم اتنا شدید تھا کہ گاڑی کا اگلا حصہ تباہ ہو گیا۔ بتایا جاتا ہے کہ مقامی لوگوں نے اس کی اطلاع پولیس کو دی۔ اطلاع ملنے پر پولیس پہنچی اور لوگوں کو اسپتال لے گئی جہاں ڈاکٹروں نے 12 لوگوں کو مردہ قرار دے دیا۔ تاحال مرنے والوں کی شناخت نہیں ہو سکی ہے۔ اس معاملے میں ٹرک ڈرائیور کے خلاف لاپرواہی سے گاڑی چلانے کا مقدمہ درج کر لیا گیا۔
