ریاستِ مہاراشٹر کے اورنگ آباد شہر میں ادبی ذوق رکھنے والے نوجوانوں نے ’’اورنگے ادب‘‘ نامی ایک ادبی تنظیم قائم کی ہے، معروف ادیب و فکشن نگار اسلم مرزا کی صدارت میں اس ادبی تنظیم کا افتتاح عمل میں آیا۔ Seminar On Urdu In Aurangabad
اس موقع پر اردو کے دانشوروں، ادیبوں، شاعروں اور محبان اردو نے کثیر تعداد میں شرکت کی ، پروگرام میں موجود نامور ہستیوں نے نوجوانوں کی حوصلہ افزائی کی اور انھیں نیک خواہشات سے نوازا ، نوجوانوں کی اس پہل کو تاریخی پہل سے تعبیر کیا گیا۔امید ظاہر کی گئی کہ ادب کے افق پر نئے ستارے روشن ہوںگے اور اردو ادب کی ترقی و ترویج میں کلیدی کردار ادا کریںگے۔پروگرام میں طرحی مشاعرہ بھی ہوا جو رات دیر گئے تک جاری رہا ، اس مشاعرے میں نوجوان شاعروں نے اپنے منفرد انداز سے سماع باندھا ۔
اس دوران معروف فکشن نگار نور الحسن نے کہا کہ آج ہم ایسی تنظیم کا افتتاح کر رہے ہیں جسے آنے والی نسل کو بہت زیادہ فائدہ ہوگا اور امید ہے کہ یہ تنظیم کی طرف سے اس طرح سے پروگرام کا انعقاد کئے جائیں گے جس سے سے لوگوں کو فائدہ پہنچ سکے۔
یہ بھی پڑھیں:SBUT Project in Mumbai ایس بی یو ٹی پروجیکٹ میں داؤد ابراہیم کی سرمایہ کاری
ڈاکٹر ارتکاز افضل نے کہا کہ یہ نئی تنظیم میں نوجوان ہے جو نئی پروازوں پر پہنچیں گے اور اللہ سے امید ہے کہ ان کی پرواز کامیاب ہو ساتھ ہی ارتکاز افضل نے نوجوانوں کے لئے ایک شعر بھی کہا۔
زمین پر بیٹھ کر کیا آسمان دیکھتا ہے
پروں کو کھول زمانہ اڑان دیکھتا ہے
فکشن نگار اسلم مرزا نے کہا کہ نئی نسل کے نمائندہ قلم کاروں نے ایک نئی تنظیم بزم اورنگ ادب کا قیام عمل میں لایا ہے اور یہ آنے والے وقت میں بہتر تنظیم ثابت ہو جس سے کئی سارے لوگوں کو فائدہ حاصل ہو سکے۔
