ممبئی: انفورسمنٹ ڈائریکٹوریٹ (ای ڈی) کے وکیل ہیتن وینیگاوکر نے عدالت کو بتایا کہ ای ڈی کو راوت کی اضافی تحویل کی ضرورت نہیں ہے۔ اس کے بعد راوت کو اب آرتھر روڈ جیل میں رکھا جائے گا، جہاں این سی پی کے دو سینئر لیڈروں، سابق وزیر داخلہ انل دیشمکھ اور سابق وزیر نواب ملک کو منی لانڈرنگ کے الزام میں رکھا گیا ہے۔ عدالت نے جیل میں راوت کے لیے گھر کا پکا ہوا کھانا اور ادویات کی اجازت دے دی ہے۔
راؤت کو انفورسمنٹ ڈائریکٹوریٹ نے پیر کے روز حراست کی مدت ختم ہونے کے بعد پیش کیا تھا۔ عدالت نے گزشتہ ہفتے راوت کی ای ڈی کی تحویل میں 8 اگست تک توسیع کی تھی، جبکہ ایجنسی نے اس معاملے میں 'اہم پیش رفت' کی ہے۔ ای ڈی نے دعویٰ کیا کہ راجیہ سبھا کے رکن راؤت نے 1.06 کروڑ روپئے کے علاوہ 1.17 کروڑ روپے کی مجرمانہ رقم سے فائدہ اٹھایا ہے ۔
شیوسینا رہنما کو یکم اگست کو گورے گاؤں میں پترا چال کی تعمیر نو میں مبینہ مالی بے ضابطگیوں کے سلسلے میں گرفتار کیا گیا تھا۔ سنجے راوت (60) شیوسینا کے صدر اور مہاراشٹر کے سابق وزیر اعلیٰ ادھو ٹھاکرے کے قریبی ساتھی ہیں۔
یہ بھی پڑھیں: Patra Chawl Goregaon Scam: گورے گاؤں میں واقع پترا چال جہاں آج بھی لوگ اپنا ذاتی گھر ملنے کے منتظر ہیں
