ریاست مہاراشٹر کے دارالحکومت ممبئی کے تاڈدیو آر ٹی او میں دلالوں اور آر ٹی او افسران کی ساٹھ گانٹھ کو لیکر سماجوادی پارٹی کے رکن اسمبلی ابو آصم اعظمی نے کہا کہ یہ سارے محکمے جہاں عام لوگوں کی سہولیات کے لئے سرکاری افسران ہونے چاہئے وہاں ان کی جگہ دلالوں نے لے لی ہے۔
انہوں نے کہا کہ یہی وجہ ہے کہ عوام بنا دلال کے کوئی بھی کام نہیں کر سکتا اور اس کی وجہ سے عام لوگوں کو سرکاری فیس سے کافی زیادہ پیسے ادا کرنے پڑتے ہیں۔
اعظمی نے کہا کہ اگر آر ٹی او کے افسران پوری ایمانداری سے اپنا کام کریں تو دلالوں کا داخلہ بند ہو سکتا ہے، چونکہ وہ خود ہی اس میں شامل رہتے ہیں اس لئے ان کا کاروبار پھل پھول رہا ہے۔
اعظمی نے کہا راشن کارڈ کے لئے بھی اگر کوئی عام شخص راشن کرد کے دفتر جاتا ہے تو افسران اسے کسی نے کس بہانے سے ٹال مٹول کرتے رہتے ہیں تاکہ وو پریشان ہوکر دلالوں کے پاس جائے۔
انہوں نے مزید کہا کہ حکومت نے عوام کی سہولیات کے لئے بھلے ہی آن لائن سروسز کا آغاز کیا ہے لیکن عوام آج بھی پریشان ہے۔
