پولیس ذرائع سے موصولہ اطلاعات کے مطابق کلیان میں رہائش پذیر وویک والا ستھامکر(30)اپنی اہلیہ کے ساتھ موٹر سائیکلMH04-JZ-8194 سے تھانے کی طرف جارہے تھے۔ اسی درمیان ایک تیز رفتار ٹریلر نے ٹکر ماردی جس سے وہ گر کر کنٹینر کے پچھلے ٹائر میں پھنس کر ہلاک ہوگیا ۔
راہگیروں نے زخمی وویک کو کلوا کےشیواجی ہسپتال روانہ کیا تب تک وویک کی موت ہوچکی تھی۔
کنٹینر ڈرائیور بھی جائے حادثہ سے فرار ہوگیا۔ ممبرا پولیس نے کنٹینر اپنے قبضے میں لے کر ڈرائیور کے خلاف معاملہ درج کر لیا ہے۔
ممبرا پولیس کے سینئر انسپکٹر مدھوکر کڑ نے بتایا کہ نعش کا پنچ نامہ کے بعد ان کے اہل خانہ کے سپرد کردیا گیا ہے اور لاپرواہی سے گاڑی چلانے کا کیس کنٹینر ڈرائیور کے خلاف درج کیا ہے۔
پولیس نے انتباہ کیا کہ برسات کا موقع ہے موٹر سائیکل والے بھی سڑک پر احتیاط برتیں اور بڑی گاڑیوں سے فاصلہ بنا کر چلیں تاکہ حادثہ سے بچ سکیں۔
