اورنگ آباد: اورنگ آباد ضلع کے کنڑ شہر میں ایک فرنیچر کی دکان کے سامنے موبائل باکس میں آئی ای ڈی بم رکھنے کا معاملہ سامنے آیا جس کے بعد شہر میں دہشت کا ماحول پیدا ہو گیا تھا، معاملے کے بعد پولیس نے اپنی کارروائی کی اور پولیس نے آئی ای ڈی بم جیسی چیز رکھنے والے شخص کو کنڑ سے گرفتار کرلیا ہے. یہ گرفتاری پچھلے 48 گھنٹے کے اندر اورنگ آباد دیہی کرائم برانچ اور کنڑ سٹی پولیس نے مشترکہ طور پر کی ہے۔ Resolved the Case Aurangabad Gramin Police
اورنگ آباد دیہی پولیس سپرنٹنڈنٹ منیش کلوانیہ نے بتایا کہ رامیشور دنیشور موکاسے نے 9 جون کو کنڑ شہر کے ایک فرنیچر دکاندار کو پیسوں کے لین دین کے سلسلے میں سبق سکھانے کے لیے یہ ساری سازش رچی تھی. پولیس سپرنٹنڈنٹ منیش کلوانیہ نے بتایا کہ ملزم کنڑ نیو سوراج الیکٹریکل اور رودرا ریفریجریشن کی دکان میں میکینک کا کام کرتا تھا اور فرنیچر کے دکان مالک سے رقم کی لین دین کی وجہ سے رامیشور نے واردات کو انجام دیا۔
ایس پی کلوانیہ نے کہا کہ دیسی ساختہ دھماکہ خیز ڈیوائس (آئی ای ڈی) صرف 2 فٹ کے دائرے تک موثر تھی اگر یہ پھٹ بھی جاتا تو زیادہ نقصان نہ ہوتا۔ اس سے کسی شخص کو نقصان پہنچ سکتا ہے، اس کے ساتھ ہی ایس پی نے شہریوں سے اپیل کی کہ اگر ایسی کوئی مشکوک چیز نظر آئے تو اسے ہاتھ نہ لگائیں بلکہ فوری طور پر پولیس کو اطلاع دیں۔
یہ بھی پڑھیں:
اب پولیس بم بنانے والے سے پوچھ تاچھ کر رہی ہے کہ آئی ای ڈی بم کیسے تیار کیا گیا اور کہاں سے تیار کیا گیا.، اس کی باریک بینی سے تفتیش کی جا رہی ہے۔ بم بنانے والے کے خلاف ایک بھی مقدمہ درج نہیں ہے لیکن سوال یہ ہے کہ موکاسے نے پیسے لے کر اتنی بڑی سازش کیسے رچی اور اس کے ساتھ کوئی اور بھی ساتھی ہیں، پولیس اس کی تحقیقات کر رہی ہے۔
