ریاست مہاراشٹر کے اورنگ آباد میں بھی تمام مساجد مصلیان کے لیے کھول دی گئی ہیں، سات مہینے کے عرصے کے بعد مصلیان مساجد میں نماز پڑھ سکتے ہیں۔ حکومت کی طرف سے جو بھی کورونا وائرس سے بچنے کے لیے تدابیر ہیں اس پر بھی مصلیان عمل کر رہے ہیں۔
مہاراشٹر میں فجر کی نماز کے ساتھ مساجد کو کھول دیا گیا۔ اورنگ آباد شہر میں ایک دن پہلے ہی مساجد میں صاف صفائی کی گئی۔ کورونا وبا سے بچنے کے لیے ضروری اقدامات کے ساتھ مساجد کو کھول دیا گیا ہے، اورنگ آباد میں ای ٹی وی بھارت کے نمائندہ نے اس کا جائزہ لیا۔
اس دوران ای ٹی وی بھارت سے بات کرتے ہوئے مصلیان نے کہا کہ گزشتہ سات ماہ سے عبادت گاہیں بند تھیں اور لوگوں نے اپنے گھروں میں ہی نمازیں ادا کرنے کی ہدایات دی تھی حتیٰ کہ لوگوں کو عیدین اور رمضان کے دوران بھی گھروں میں ہی نمازیں ادا کرنے کے احکامات دیے گئے تھے۔
حالانکہ ریاستی حکومت کے مذہبی مقامات کو کھولے جانے کے اعلان کے بعد اورنگ آباد کی مساجد میں رونق دیکھی گئی، ساتھ ہی مصلیان کی بھیڑ بھی دیکھنے کو ملی۔
