گورنر شكتی كانت داس نے ویڈیو کانفرنسنگ کے ذریعے بینک کے سربراہوں کے ساتھ تبادلہ خیال کیا۔ اس میٹنگ میں ریزرو بینک کے ڈپٹی گورنر اور سینئر افسر بھی موجود تھے۔ میٹنگ کے آغاز میں مسٹر داس نے لاک ڈاؤن کے دوران بھی بینکوں کی سرگرمیاں معمول کے مطابق چلانے کے لیے بینکوں کی تعریف کی۔
اس دوران مسٹر داس نے ملک کی موجودہ اقتصادی صورتحال کا جائزہ لیا۔ اس کے ساتھ ہی انہوں نے معیشت کے مختلف شعبوں کے ساتھ ساتھ این بی ایف سی میں لیکویڈیٹی کے بہاؤ، چھوٹے مالیاتی اداروں، ہاؤسنگ فنانس کمپنیوں اور میوچول فنڈز کی صورتحال کا بھی جائزہ لیا۔
اس اجلاس میں ایم ایس ایم ای کے لیے مالی اخراجات پر بھی تبادلہ خیال کیا۔ لاک ڈاؤن کے پیش نظر تین ماہ تک قرض کی ادائیگی میں دی گئی راحت پر عمل کرنے کا بھی جائزہ لیا گیا۔
