پونہ: ریاست مہاراشٹر کے گوشے گوشے سے وارکاری سماج کے بزرگ عقیدت مند پیدل چل کر ضلع شولا پور کے بھیماندی کے کنارے واقع پنٹھر پور پہنچتے ہیں۔ اسی دوران راستے میں معقول طبی انتظام نہ ہونے کے سبب انہیں کافی مشکلات کا سامنا کرنا پڑتا ہے۔ جب غیر سرکاری تنظیمیں اس طرح کے طبی کیمپ لگاتی ہیں تو عقیدت مندوں کو کافی راحت ملتی ہے۔ یہ کام ورلڈ آرگنائزیشن آف ریلجینس اینڈ نالج نام کی غیر سرکاری تنظیم کے کارکنان طویل مدت سے انجام دے رہے ہیں۔ کارکنان نے اس کیمپ میں پیغمبر اسلام حضرت محمد کی تعلیمات اور سنت تکارام مہاراج کے قول کو پیش کیا تاکہ متعدد مذاہب کے درمیان یکسانیت کا پیغام جائیں۔
تنظیم کے ذریعه یہ کام طویل مدت سے انجام دیا جارہا ہے لیکن کووڈ کے سبب گزشتہ 2 برسوں تک یہ خدمات متاثر رہیں اور عقیدتمندوں کی تعداد بھی کم ہوگئی تھی کیونکہ کووڈ قوانین کے سبب یاترا پر بھی پابندی عائد کردی گئی تھی۔ دو برس بعد جب عقیدت مندوں نے اس تیرتھ یاترا کا آغاز کیا تو تنظیم کے کارکنان نے بھی ان کی خدمات میں کوئی کسر باقی نہیں رکھی۔ملک کی موجودہ صورت حال کو دیکھتے ہوئے تنظیم کے اس مثالی کام کی ہر سو چرچا ہو رہی ہے۔
یہ بھی پڑھیں: Maharashtra Political Crisis:کونسا ہندوتوا پیٹھ میں خنجرگھونپنا سکھاتی ہے،شیوسینا رکن پارلیمنٹ پرینکا چتر ویدی
