مہاراشٹر میں یکم مارچ سے ریاستی بجٹ کا اجلاس جاری ہے جو کورونا وبا کی وجہ سے رواں برس صرف دس روز تک ہی جاری رہے گا۔
اس بار کے اسمبلی اجلاس میں او بی سی ریزرویشن کے حوالے سے مدھیہ پردیش کی طرز پر مہاراشٹر اسمبلی میں بھی ہنگامہ OBC Reservation Maharashtra برپا ہے۔
اس سلسلے میں سماجوادی پارٹی کے رکن اسمبلی ابو عاصم اعظمی نے میڈیا سے بات کرتے ہوئے کہا کہ 'او بی سی کو ریزرویشن ملنا چاہیے لیکن مسلم ریزرویشن کا کیا ہوگا جس کو لے کر وہ طویل مدت سے اپنی آواز بلند کر رہے ہیں۔
اعظمی نے کہا کہ 'حکومت مسلمانوں کو نظر انداز کر رہی ہے جب کہ کئی ساری رپورٹ اور ہائی کورٹ نے مسلمانوں کو ریزرویشن دینے کا حکم دیا ہے اور مسلمانوں کو اس کی ضرورت بھی ہے۔ اس کے باوجود مسلم ریزرویشن کی کوئی بات نہیں کرتا۔
وہیں این سی پی کے وزیر چھگن بھجبل نے کہا کہ مہاراشٹر میں جو قانون نافذ کیا گیا ہے، وہی مدھیہ پردیش میں بھی نافذ کیا گیا ہے، لیکن وہاں فوری طور پر فرمان جاری کیا گیا ہے کیوں کہ وہاں حکومت بی جے پی کی ہے اور گورنر بھی بی جے پی Preparation of OBC Reservation in Maharashtra کا ہے۔
مزید پڑھیں:
انہوں نے کہا کہ او بی سی ریزرویشن کی رکاوٹیں دور کرنے کے لئے مہا وکاس اگھاڑی حکومت مدھیہ پردیش کی طرز پر اس ریاست میں بھی نافذ کرنے جا رہی ہے۔ اس تعلق سے آج ایک بیٹھک بھی منعقد ہوگی جس میں اپوزیشن کے لیڈر اور سابق وزیر اعلیٰ دیویندر فڈنویس بھی شرکت کریں گے۔
