مہاراشٹر کے اورنگ آباد ضلع میں رسول پورہ ایک ایسا گاؤں ہے جہاں پر گرمی کے مہینوں میں لوگ پینے کے پانی کے لئے پریشان حال رہتے ہے، گاؤں میں کئی کلومیٹر دور سے پینے کا پانی لے کر آنا پڑتا ہے تو وہی گھر میں استعمال ہونے والے پانی کے لئے دربدر بھٹکنا پڑتا ہے، کپڑے دھونے کے لئے ان گاؤں والوں کو گھر سے چار سے پانچ کلومیٹر کا فاصلہ طے کر کے جھرے کا آلودہ پانی استعمال کرنا پڑ رہا ہے، جھرے کا آلودہ پانی بھی نکالنے کے لئے انہیں اپنی جان کو جوکھم میں ڈال کر پانی نکالنا پڑتا ہے اور پھر اس آلودہ پانی کو کپڑے دھونے کیلئے استعمال کرتے ہیں۔
علاقے کے لوگوں کا کہنا ہے کہ آٹھ مہینے موسم سرما اور بارش کے وقت انہیں پانی کی پریشانی نہیں ہوتی ہے، لیکن موسم گرما میں علاقے میں پانی پوری طرح سے سوکھ جاتا ہے، جس کے بعد انہیں دور دراز علاقوں سے پانی لانا پڑتا ہے پانی کی قلت کی وجہ سے گاؤں کے لوگوں کو مشکلات کا سامنا کرنا پڑ رہا ہے، لوگوں کا کہنا ہے کہ کئی مرتبہ ضلع انتظامیہ اور گرام پنچایت میں شکایت کی گئی لیکن پینے کے پانی کا انتظام نہیں کیا گیا۔
مزید پڑھیں:Study Centre For Muslim Girls مسابقہ جاتی امتحانات کی تیاری کے لئے اسٹڈی سینٹر کا قیام
خواتین کا کہنا ہے کہ صبح جلدی اٹھ کر یہ گھر کا سارا کام کاج کر لیتی ہے اور دوپہر کے وقت اپنے چھوٹے چھوٹے بچوں کے ساتھ جھرے پر آتی ہے اور کپڑے دھوتی ہے۔گاؤں والوں کا کہنا ہے کہ گاؤں میں انسانوں کے علاوہ جانور بھی موجود ہے اور انہیں پینے کے پانی کے لئے دور دراز پانی کے ذخیرے کے پاس لے جانا پڑتا ہے۔
