ریاست مہاراشٹر کے ضلع اورنگ آباد سے مہاراشٹر اسٹیٹ وقف بورڈ کا صدر دفتر ممبئی منتقل کرنے کے اعلان کے بعد عوامی حلقوں میں شدید ناراضگی دیکھنے کو مل رہی ہے۔
وزیر اوقاف کے اعلان پر عوامی حلقوں میں شدید ردعمل سامنے آرہا ہے۔ صدر دفتر کی ممبئی منتقلی کی ہر سطح پر مخالفت ہو رہی ہے۔
یہ بھی پڑھیے: کوآپریٹیو بینک کرپشن معاملہ: اجیت پوار کی مشکلات میں اضافے کا امکان
سماجی کارکنان اور دانشور طبقے کا ماننا ہے کہ اس طرح کا اعلان معاملات کو دوسرا رخ دینے کی کوشش ہے۔ جبکہ کئی کام ایسے ہیں جنھیں ترجیحاتی بنیادوں پر کیا گیا تو نہ صرف وقف کی آمدنی میں اضافہ ہوگا بلکہ وقف اراضی کے تحفظ کو بھی یقینی بنانے میں مدد مل سکتی ہے۔ لیکن اقلیتی امور کے وزیر نواب ملک کا بیان اس بات کی عکاسی کرتا ہے کہ حکومت اقلیتوں سے جڑے معاملات کو سلجھانے میں سنجیدہ نہیں ہے۔
واضح رہے کہ ہزاروں ایکڑ وقف اراضی کے مالک مہاراشٹر اسٹیٹ وقف بورڈ کے پاس آج بھی اپنا ذاتی دفتر نہیں ہے۔ ایسے میں اقلیتی امور کے وزیر نواب ملک سے بیان کو فوری واپس لینے کا مطالبہ کیا جارہا ہے۔
