کورونا وائرس وبا سے متاثرہ مریضوں کی تعداد میں ہونے والے زبردست اضافہ اور علاج میں ہونے والی لاپروائی کی شکایت کو دیکھتے ہوئے ریاستی حکومت نے میونسپل کمشنر پروین اشٹیکر کو ان کے عہدے سے ہٹاتے ہوئے 2016 بیچ کے آئی اے ایس ڈاکٹر پنکج اشیا کو تعینات کیا۔ سنیچر دیر شام کو انہوں نے میونسپل ہیڈکوراٹر پہنچ کر میونسپل کمشنر کے عہدے کا جارچ سنبھالا۔
واضح رہے کہ بھیونڈی میونسپل کارپوریشن میں کسی آئی اے ایس کی یہ دوسری تعیناتی ہے۔ اس سے قبل ڈاکٹر یوگیش مہسے بطور میونسپل کمشنر 17 ماہ تعینات تھے۔ ان سے قبل کئی آئی اے ایس آفیسر بطور اضافی جارچ میونسپل کمشنر کے عہدے کو سنبھال چکے ہیں۔ مگر کسی آئی اے ایس کی باضابطہ کمشنر یہ دوسری تعیناتی ہے۔
مقامی رکن اسمبلی رئیس شیخ نے بھیونڈی شہر میں کورونا وبا کے پھیلاؤ کے لیے پروین اشٹیکر کو ذمہ دار ٹھہراتے ہوئے وزیراعلیٰ سے آئی اے ایس میونسپل کمشنر کو تعینات کرنے کا مطالبہ کیا تھا جس کے بعد حکومت نے پنکج اشیا کو بھیونڈی میونسپل کمشنر کے عہدے پر تعینات کر دیا ہے۔
بھیونڈی شہر کے عوام نے ایک آئی اے ایس آفیسر کو بطور میونسپل کمشنر تعینات کرنے پر حکومت کے اس فیصلے کا خیر مقدم کیا ہے۔
