سنجے راؤت نے ایک پریس کانفرنس کے دوران کہا کہ 'وزیراعلیٰ شیوسینا کا ہوگا۔ مہاراشٹر کا چہرہ اور سیاست بدل رہی ہے۔ آپ دیکھیں گے، جسے آپ 'ہنگامہ' کہہ رہے ہیں وہ ہنگامہ نہیں ہے۔ یہ انصاف اور حق کی لڑائی ہے لہذا جیت ہماری ہوگی۔'
ایک سوال کے جواب میں راؤت نے کہا کہ 'مہاراشٹر کا فیصلہ صرف یہیں کیا جائے گا۔ ادھو جی فیصلہ کریں گے۔ کیا شرد پوار اور سونیا گاندھی نے کوئی بیان دیا تھا؟ سیاست میں ہر طرف افواہ کا بازار گرم ہے۔ اس معاملے پر مجھے بس تنا ہی کہنا ہے۔'
انہوں نے کہا کہ 'ہماری پارٹی حکومت سازی میں کوئی رخنہ نہیں ڈال رہی ہے جس کے پاس بھی اکثریت ہے وہ حکومت بنا سکتا ہے۔'
