گنگا پور کے وڑگاؤں کے بجنا پور قصبے میں ان کیڑوں کی بہتات ہے۔
سات ہزار آبادی پر مشتمل گاؤں میں خاص طور سے سرد جگہوں پر یہ کیڑے نکل رہے ہیں جس کی وجہ سے لوگ اپنے گھروں میں راتیں جاگ کر گزار رہے ہیں۔
ایسے کیڑے جو کبھی نہیں دیکھے گئے!
ان کیڑوں کی خاص بات یہ ہے کہ یہ شہد کی مکھیوں کے چھتّے کی شکل میں ایک دوسرے سےچمٹ کر چلتے ہیں اور دور سے دیکھنے پر کسی بڑے سانپ کی طرح نظر آتے ہیں۔ اس سے پورے گاؤں میں خوف پھیل گیا ہے جبکہ کسانوں کو ان کی فصلیں تباہ ہونے کا بھی ڈر ستا رہا ہے ۔
مقامی لوگوں نے ضلع انتظامیہ سے اس معاملے پر فوری طور پر توجہ دیتے ہوئے کارروائی کرنے کا مطالبہ کیا ہے۔
