مالیگاؤں میں ضلع راشٹروادی کانگریس پارٹی کے دفتر میں منعقد پریس کانفرنس میں مقامی صدر آصف شیخ نے کہا کہ مالیگاؤں سینٹرل اسمبلی حلقہ میں 341 پولنگ بوتھ ہیں اور ان میں ایک بوتھ پر گیارہ نوجوانوں کی ایک ٹیم تشکیل دی جارہی ہے۔جو کہ "مشن ون بوتھ الیون یوتھ" کے تحت کام کریں گے اور اسی طرح مالیگاؤں آؤٹر حلقہ اسمبلی میں 74 پولنگ بوتھ ہیں ان پر بھی گیارہ گیارہ نوجوانوں کی ٹیم بنائی جائے گی۔
ان نوجوانوں کی ٹیم تیار کرتے ہوئے انہیں ذمہ داری دی جائے گی تاکہ شہر بھر میں کارپوریشن الیکشن کیلئے پوری طاقت کے ساتھ الیکشن لڑا جاسکے اور این سی پی کی فل میجاریٹی حاصل کی جاسکے۔
راشٹروادی کانگریس پارٹی کے زیر اہتمام ون بوتھ الیون یوتھ مشن کا آغاز اس مشن کے تحت عوامی و فلاحی کاموں کو انجام دینا اور نوجوانوں میں عوام کی مدد و خدمات کا جذبہ پیدا کرنا ہے۔اس کانفرنس میں آصف شیخ نے راشٹروادی کانگریس پارٹی کے دفتر سے کئے جانے والے عوامی و فلاحی کام کاج اور کاموں کی انجام دہی پر معمور ذمہ داران کے نام بتاتے ہوئے کہا کہ راشٹروادی کانگریس پارٹی کے رابطہ کار شکیل احمد جانی بیگ کو بنکروں اور تعلیمی شعبہ سے منسلک تمام مسائل کی رہنمائی کیلئے مقرر کیا گیا ہے۔اسی طرح انصاری عامر ملک کو پارٹی میڈیا انچارج بنایا گیا ہے۔شفیق احمد کو پاور ہاؤس سے منسلک شکایت اور شہر اور قومی شاہراہوں پر ہونے والے حادثات کے وقت زخمیوں کی مدد کرنے اور لاوارث نعش کے سلسلے میں قانونی چارہ جوئی میں شہریان کی مدد کیلئے مقرر کیا گیا ہے۔
