ممبرا ۔ کلوا اسمبلی حلقے سے جتیندر اوہاڈ این سی پی سے تیسری بار الیکشن لڑ رہے ہیں۔
مہاراشٹر کے مسلم اکثریتی شہر ممبرا ۔ کلوا اسمبلی حلقہ 149 سے این سی پی کے امیدوار ڈاکٹر جتیندر اوہاڈ اور مجلس اتحاد المسلمین کے برکت اللہ شیخ عرف گنجن سیٹھ نے اپنا پرچہ نامزدگی مولانا ابوالکلام آزاد اسٹیڈیم پہنچ کر داخل کیا۔
این سی پی امیدوار جتیندر اوہاڈ کے پرچہ نامزدگی میں شرد پوار، کنہیا کماراور ہاردک پٹیل بھی موجود تھے۔
جب کہ اوہاڈ نے پرچہ نامزدگی پروگرام کے لیے ایک ریلی نکالی جس میں شدت کی دھوپ کے باوجود ہزاروں کارکنان موجودتھے۔ تو وہیں مجلس اتحاد المسلمین کے امیدوار کے ساتھ عبد الرؤف لالہ، سیف پٹھان، سابق میئر نعیم خان جیسے رہنما موجود تھے۔
اس حلقے سے فلم اداکار اعجاز خان نے بھی ایم آئی ایم سے ٹکٹ کا مطالبہ کیا تھا لیکن برکت اللہ شیخ کو ایم آئی ایم کا ٹکٹ دیا گیا ہے۔
اس حلقے سے شیوسینا نے ابھی تک کسی امیدوار کے نام کا اعلان نہیں کیا ہے۔ اب تک یہاں سے این سی پی سے جتیند راوہاڈ نے مسلسل تیسری مرتبہ اپنا پرچہ داخل کر کے ایم ایل اے کی دعوے داری پیش کردی ہے۔ ان کے علاوہ عام آدمی پارٹی سے فیضی التمش اور دیگر آزاد امیدواروں نے بھی اپنا پرچہ داخل کیا ہے۔
