نسیم خان نے دیونار مذبح خانے کا دورہ کیا

مہاراشٹر اسمبلی کے ڈپٹی اپوزیشن لیڈر محمد عارف نسیم خان نے عیدالاضحی کی تیاریوں کے پیش نظر دیونار مذبح کادورہ کیا اور انتظامات و سلامتی کے متعلق معاملات پر میونسپل افسران اور پولیس حکام کے ساتھ میٹنگ کی اور انہیں اہم ہدایات جاری کیں۔

اس موقع پر نسیم خان نے میونسپل اور پولیس افسران کے ہمراہ میٹنگ کرکے انہیں قربانی کے دوران ہونے والی تکالیف کا ذکرکیا۔ انہوں نے لوگوں کو پیش آنے والی دشواریوں کو حل کرنے کے لیے مشورہ دیا۔انہوں نے ٹریفک محکمہ کے افسران کو بھی ضروری ہدایات دیں۔
دیونار سلاٹرہاوس کے جنرل منیجر شیٹھے کے دفتر میں ہونے والی میٹنگ میں بڑے اور چھوٹے جانوروں کے تاجروں کی تنظیم کے سربراہ اور عہدیداران اور صدور بھی موجود تھے۔
مہاراشٹر کھاٹک ایسویشن کے حاجی لیاقت، شپ اینڈ گوٹ بروکر ایسویشن کے عبدالرحمن عبداللہ اور دیگر نے اس موقع پر میونسپل انتظامیہ کی جانب سے کئے گئے انتظامات کی ستائش کی۔
نسیم خان نے اس موقع پر افسران کو ہدایت دی کہ قربانی کے ایام میں صفائی کا خصوصی انتظامات کیے جائیں.