بی جے پی کے ترجمان سمبت پاترا نے منگل کو یہاں ایک پریس کانفرنس میں مہاراشٹر کی مہا اگھاڑی حکومت پر تنقید کرتے ہوئے کہا کہ حکومت بی جے پی کو جن آشیرواد یاترا میں مل رہی بے پناہ حمایت سے مہاراشٹر کی مہا اگھاڑی حکومت پریشان ہے، لیکن ہم جمہوری طریقے سے لڑتے رہیں گے اور یاترا جاری رہے گی۔
انہوں نے کہا کہ رانے نے کچھ ایسے الفاظ ضرور کہے ہوں گے جن سے بچا جاسکتا تھا، لیکن کیا مہاراشٹر کی ادھو ٹھاکرے حکومت کی یہی قوت برداشت ہے، کیا یہ قانون ہے؟
پاترا نے کہا ’’مہاراشٹر میں کچھ وزیر کہہ رہے ہیں کہ قانون پر عمل کرنا ہوگا لیکن کیا بی جے پی کے دفاتر پر پتھراؤ کرنا قانون ہے؟ کیا یہ لوگوں کی جان کو خطرے میں ڈالنا قانون ہے؟ ایک وزیر پر 30۔40 ایف آئی آر درج کرانا کیا قانون ہے۔
یہ بھی پڑھیں:مرکزی وزیر نارائن رانے کے خلاف شیو سینا کا اورنگ آباد میں احتجاج
انہوں نے کہا کہ شرجیل امام جیسے ٹکڑے ٹکڑے گینگ کے لوگ مہاراشٹر میں ہندوستان کے خلاف بے لگام بیانات دیتے رہے، لیکن مہاراشٹر میں ان کے خلاف ایک بھی کیس درج نہیں کیا گیا۔
(یو این آئی)
