ریاست مہاراشٹر کے اورنگ آباد میں واقع فیئرلیس فائٹرس اسکول آف مارشل آرٹس کے کوچ ماسٹر مصعب شیخ اسلم کو قومی سطح پر مکس مارشل آرٹس فائٹ مقابلے میں گولڈ میڈل سے نوازا گیا۔
اس مقابے میں بھارت کی مختف ریاستوں کے 300 کھلاڑیوں نے حصہ لیا تھا۔ شیخ اسلم نے مکس مارشل آرٹس کا بہترین مظاہرہ کرتے ہوئے 66 کلو وزن گروپ میں ریاست گجرات کے کھلاڑی کو شکست دے کر مقابلے میں پہلا گولڈ میڈل حاصل کیا۔ رکن پارلیمان امتیاز جلیل نے ان کی ستائش کی۔
تفصیل کے مطابق ناسک شہر میں 18 تا 20 دسمبر کے در میان دی ہیروانڈیا او پی مکس مارشل آرٹس چیمپین شپ 2020 کا انعقاد کیا گیا تھا۔ مقابلے میں اتر پردیش، پنجاب، دہلی، مدھیہ پردیش، گجرات، مہاراشٹر سے ممبئی اورنگ آباد سمیت ہندوستان کی کئی ریاستوں سے جُملہ 300 کھلاڑیوں نے حصہ لیا تھا۔
یہ بھی پڑھیں: حکومت اور کسانوں کے مابین مذاکرات جاری
اس مقابلے میں فیئرلیس فائٹرس اسکول آف مارشل آرٹس کے کوچ و انسٹرکٹر ماسٹر مصعب شیخ اسلم نے مکس مارشل آرٹس کا بہترین مظاہرہ کرتے ہوئے 66 کلو وزن گروپ میں ریاست گجرات کے صورت شہر کے کھلاڑی میسانا مناجر کو شکست دے کر اورنگ آباد شہرکو مکس مارشل آرٹس مقابلے میں پہلا گولڈ میڈل ملا جس پر شہر کی سیاسی سماجی مذہبی تنظیموں کی جانب سے مصعب شیخ اسلم کا استقبال کیا گیا۔
