ممبئی میں کروڑ روپئے مالیتی ماسک ضبط

ریاست مہاراشٹر کے ممبئی میں پولیس نے ماسک کے دو سو باکس ضبط کئے ہیں۔

ولے پارلے پولیس نے اندھیری علاقے کاروائی کے دوران ایک کروڑ سے زائد مالیتی ماسک کے دو سو باکس ضبط کئے۔

کورونا وائرس وبا کے پیش نظر ماسک کی کالابازاری کو روکنے کےلیے پولیس نے یہ کاروائی کی۔

ماسک کی مانگ کو دیکھتے ہوئے مارکٹ میں اسے زائد قیمت پر فروخت کیا جارہا ہے اور کالا بازاری عروج پر ہے جبکہ پولیس اس کے خلاف سخت اقدامات کر رہی ہے۔

پولیس نے اس معاملہ میں پانچ لوگوں کے خلاف مقدمہ درج کیا ہے۔

پولیس کے مطابق موجودہ حالات میں ماسک کو زیادہ قیمت میں فروخت کرنا اور کالابازاری کرنا جرم ہے۔ پولیس نے عوام سے اس سلسلہ میں تعاون کی اپیل کی ہے۔