کورونا بحران کی وجہ سے گزشتہ دو سالوں سے اس علاقہ کی رونق غائب Corona Impact On Ramadan ہے۔ دراصل ماہ مقدس رمضان کو لے کر ممبئی میں ہوٹل کے کاروبار سے وابستہ افراد پریشان ہیں، کیوں کہ انہیں اس بار بھی یہ ڈر ستا رہا ہے کہ اس بار بھی کورونا کا حوالہ دے کر بی ایم سی اور پولیس محکمہ ہوٹل کھولنے پر پابندی نا عائد کر دے۔ حالانکہ اب تک کسی طرح کا کوئی فرمان جاری نہیں کیا گیا ہے۔ اس معاملے پر ماشاللہ ہوٹل کے مالک عبدالرحمن کا کہنا ہے کہ صرف بڑے ہوٹل ہی نہیں بلکہ رمضان کے اس ایک ماہ میں چھوٹے چھوٹے کاروباری بھی رمضان میں استعمال ہونے والی اشیاء فروخت کر کے اپنا گزر بسر کرتے ہیں لیکن گزشتہ دو برسوں میں سب کچھ کورونا کی نذر ہو گیا۔ اس بار امید ہے کہ ہوٹل کھولنے پر پابندی عائد نہیں ہوگی۔
یہ بھی پڑھیں؛ نوئیڈا: سیکٹر 8 جامع مسجد سے رمضان کی رونق غائب
واضح رہے کہ ممبئی کے مینارہ مسجد کے اطراف میں 50 سے زائد ہوٹلز ہیں اور رمضان کے مہینے میں یہاں کافی بھیڑ ہوتی ہے، دور دور سے لوگ یہاں رمضان کا اسپیشل ڈش Ramadan Special Dish کھانے کے لئے آتے ہیں۔ حالانکہ محکمہ پولیس اور بی ایم سی نے کورونا کو لے کر سختیاں ختم کر دی ہیں لیکن پھر بھی دیکھنے والی بات یہ ہوگی کہ رمضان میں کیا یہ نرمی برقرار رہتی ہے یا اس بار بھی رمضان کورونا قوانین کی نذر ہوگا۔ Mumbai Hotels In Ramadan
