تھانے ضلع کے شیواجی ہسپتال میں یومیہ سینکڑوں تعداد میں مریض علاج کی غرض سے آتے ہیں لیکن اب اسی ہسپتال کا عملہ بھی ڈینگو جیسی مہلک بیماری کا شکار ہ گیا ہے۔
تفصیلات کے مطابق شیواجی ہسپتال کے ریڈیولوجی ڈیپارٹمنٹ میں 2 ڈاکٹرز اور 6 ٹرینی ڈاکٹرز کی ٹیم تعینات ہے اور اس محکمہ میں بڑی تعداد میں مریض خون وغیرہ کے نمونوں کی جانچ کرانے کے لیے آتے ہیں۔
دو روز قبل پانچ ڈاکٹرز کو ڈینگو کی تشخیص ہونے کے بعد فوراً سبھی کو مقامی ہسپتال کے آئی سی یو وارڈ میں داخل کرایا گیا ہے، جہاں سبھی کا علاج جاری ہے۔
سینئر ڈاکٹرز کے ڈینگو میں مبتلاء ہونے کے بعد ریڈیولوجی محکمہ کو مکمل طور سے کچھ دنوں کے لیے بند کردیا گیا ہے۔
ذرائع کے مطابق سبھی ڈاکٹرز اپنی ڈیوٹی پر آئے تھے اسی درمیان انکی طبیعت خراب ہونے پر جب خون کے نمونوں کی جانچ ہوئی تو ڈینگو تشخیص کی تشخیص ہوئی۔
