ملاڈ علاقے میں کورونا مثبت پائے جانے والے 70 مریضوں کے لاپتہ ہونے سے محکمہ بی ایم سی اور ممبئی پولیس کی تشویش میں اضافہ ہوگیا ہے تا ہم ان کی تلاش کے لیے ممبئی پولیس سرگرم ہے۔
کورونا مثبت مریض لاپتہ
ممبئی پولیس لاپتہ کورونا مریضوں کی تلاش تیزی سے کر رہی ہے تا کہ ان کی وجہ سے کورونا متاثرین کی تعداد میں مزید اضافہ نہ ہو۔
ممبئی پولیس ترجمان پرانئے اشوک نے بتایا کہ بی ایم سی کی جانب سے انہیں کورونا مثبت پائے جانے والے مریضوں کی فہرست دی گئی ہے جس میں مریضوں کی تفصیلات موجود ہیں چونکہ وہ سارے مریض بی ایم سی کی پہنچ سے باہر ہیں اس لیے اب ممبئی پولیس ان کی تلاش کرے گی۔
واضح رہے کہ ممبئی میں کورونا وائرس کے مریضوں کی تعداد میں روزانہ اضافہ ہو رہا ہے جس کی وجہ سے انتظامیہ کافی فکر مند ہے۔
