ممبئی: مہاراشٹر کے دارالحکومت ممبئی میں شیعہ عالم دین مولانا یعسوب عبّاس کے والد مولانا اطہر طویل عرصے سے عاشورہ کے جلوس اور مجلس کی قیادت کرتے تھے اُن کے انتقال کے بعد مولانا یعسوب عبّاس نے اس سلسلہ کو آگے بڑھایا ۔ ای ٹی وی بھارت سے بات کرتے ہوئے مولانا یعسوب عبّاس نے کہا کہ کورونا کے سبب پابندیوں کے باوجود حکومت کی گائیڈ لائن پر عمل کرتے ہوئے چند لوگوں کے ساتھ بھی اس جلوس اور عزاداری کے سلسلے کو ہم نے آگے بڑھایا۔ اُنہوں نے کہا کہ اسلام دور حاضر میں دو طرح کا ہے ایک حکومتی قوانین والا اسلام اور دوسرا امام حسین کا اسلام لیکن کامیابی امام حسین کے اسلام میں ہے اسلیے ہم سب کو امام حسین کے پرچم تلے ایک ساتھ ہوکر اُس اسلام کو آگے بڑھانا ہوگا جس کے لیے امام حسین نے جام شہادت نوش کیا۔
یہ بھی پڑھیں: Ashura 2022:ممبئی میں مقامات مقدسہ سے جڑی اشیا کی نمائش
