مدثر شاہ نے پُش اپ وتھ کلیپنگ کا نیا ریکارڈ قائم کیا

ریاست مہاراشٹر کے اورنگ آباد میں معروف عالمی کراٹے ٹرینر شیخ مدثر شاہ نے ’’پُش اپ وتھ کلیپنگ ‘‘ میں انگلینڈ کے اسٹیون بٹلر کا ریکارڈ توڑتے ہوئے نیا ریکارڈ قائم کیا۔

اسٹیون بٹلر نے ’پُش اپ وتھ کلیپنگ‘‘ میں ایک منٹ میں 90 پش اپ مارے تھے جبکہ مدثر نے ایک منٹ میں 121 پش اپ مارے ہیں۔ ان کی اس کامیابی کو گینیز بک آف ورلڈ ریکارڈ میں درج کروایا جارہا ہے۔

واضح رہے اس سے قبل شیخ مدثر نے 2013 میں پش اپ کے دو ریکارڈ قائم کیے تھے۔ پروگرام میں برٹن ایجوکیشن ٹرسٹ کے نمائندے قاضی سلیم اور دیگر موجود تھے۔یہ مقابلہ ریاست مہاراشٹر کے اورنگ آباد میں وینچسٹر انٹرنیشنل انگلش اسکول کے ذریعے منعقد کیا گیا تھا۔