مہاراشٹر اسٹیٹ ٹرانسپورٹ کارپوریشن کے مطالبات پر رپورٹ سونپنے کے ہائی کورٹ کے حکم پر سرکار کی جانب سے سہ رکنی کمیٹی تشکیل کرنے کے بعد بھی ہڑتالی ایم ایس آر ٹی سی ملازمین یونین اور ریاستی حکومت کے درمیان بدھ کے روز بھی تعطل برقرار رہا۔
تہوار کے سیزن کے درمیان ہڑتال کی وجہ سے مسافروں کو کافی پریشانیوں کا سامنا کرنا پڑرہا ہے۔
دریں اثنا ریاستی حکومت نے بس خدمات میں خلل کی وجہ سے نجی بسز، اسکول بسز کے ساتھ ساتھ کمپنیوں کی ملکیت والی بسز اور سامان کی گاڑیوں کو مسافروں کو لے جانے کی اجازت دی ہے۔
مزید پڑھیں:
اورنگ آباد ضلع کے تمام ڈپو ملازمین آج مسلسل چوتھے دن ہڑتال پر ہیں۔ احتجاج کرنے والے ملازمین نے اپنے مطالبات کی منظوری تک احتجاج جاری رکھنے کی دھمکی دی ہے۔ کارپوریشن نے اب تک ریاست بھر میں 46 ڈپو کے 350 سے زیادہ ملازمین کو معطل کر دیا ہے۔ ریاستی وزیر ٹرانسپورٹ انل پرب نے کارکنوں سے ڈیوٹی پر آنے کی اپیل کی ہے۔
یو این آئی
