اورنگ آباد: مہاراشٹر کے اورنگ آباد میں آج دیر شام بی جے پی کے قومی صدر جے پی نڈا پارلیمانی انتخابات کی تیاریوں کا جائزہ لیتے ہوئے ایک جلسے سے بھی خطاب کریں گے۔ بی جے پی کے قومی صدر جے پی نڈا پر مجلس اتحاد المسلمین کے رکن سید اِمتیاز جلیل نے نڈا کے دورے پر نکتہ چینی کی اور کہا کہ بی جے پی اس ملک میں احتجاج کی آواز کو بلند ہونے نہیں دینا چاہتی ہے اِسلئے وہ مجھے بھی نشانہ بنارہے ہیں۔
اورنگ آباد میں بی جے پی کے قومی صدر جے پی نڈا شام پانچ بجے مراٹھواڑہ سانسکرتیک منڈل میدان پر ایک جلسہ عام سے خطاب کریں گے اس سے قبل ایلورہ میں ان کے ہاتھوں مختلف ترقیاتی کاموں کا افتتاح بھی ہوگا۔ اطلاعات کے مطابق بی جے پی کی جانب سے اورنگ آباد پارلیمانی نشست کیلئے زور و شور سے تیاریاں کی جارہی ہیں۔ جس کے تحت بی جے پی لیڈران کی متواتر میٹنگوں کا سلسلہ جاری ہے۔ اسی ضمن میں پارٹی کے قومی صدر کی موجودگی میں مراٹھواڑہ سنسکرتی منڈل پر ایک جلسہ عام رکھا گیا ہے مرکزی وزیر مملکت برائے خزانہ ڈاکٹر بھاگوت کراڑ نے مجلس اتحاد المسلمین کو کہا ہے کہ اب ہماری طاقت بڑھ گئی ہے اور آنے والے پارلیمانی انتخابات میں اورنگ آباد سے ہماری جیت یقینی ہے۔ MP Imtiaz Jaleel criticizes on JP Naddas rally in Aurangabad
بھارتیہ جنتا پارٹی کے قومی صدر جے پی نڈا اورنگ آباد دورے پر آرہے ہیں ان کے دورے پر اے آئی ایم آئی ایم کے رکن پارلیمان امتیاز جلیل نے نکتہ چینی کرتے ہوئے کہا کہ آج شہر میں جو بزرگ ای پی ایس پینشن کے لیے پریشان ہیں ان کے گھر پر بھی نڈا جی جائیں اورنگ آباد شہر میں ایسے بھی لوگ ہیں جنہیں پینشن کے نام پر دو سو سے ڈھائی سو روپیے ماہانہ ملتا ہے، آپ سیاست کر رہے ہیں اور ہم اورنگ آباد کے پاسپورٹ آفس کے لیے آن لائن نظام کو بہتر بنانے کے لیے سخت محنت کر رہے ہیں اور عام لوگوں کے حقوق کے لیے ایک تحریک کی تیاریوں میں مصروف ہیں۔ رکن پارلیمان امتیاز جلیل نے کہا جے پی کے نڈا ہو یا ان کی پارٹی بی جے پی نے یہ فیصلہ کیا ہے کہ اس ملک میں احتجاج کی آواز بلند نہیں ہونے دیں گے اس لئے بی جے پی میرے انتخابی حلقہ کو نشانہ بنانا چاہتی ہے جو بی جے پی کے خلاف آواز بلند کرتے ہیں اور سچ بولتا ہیں انہیں یہ لوگ نشانہ بناتے ہیں۔ MP Imtiaz Jaleel criticizes on JP Naddas rally in Aurangabad
یہ بھی پڑھیں : AIMIM Memorandum to MSDCL ایم آئی ایم لیڈران نے بجلی سپلائی کمپنی کے افسران کو میمورنڈم دیا
