مہاراشٹر کے پارلیمانی حلقہ اورنگ آباد سے منتخب کردہ ایم آئی ایم کے رکن پارلیمان امتیاز جلیل نے بابری مسجد انہدام پر کورٹ کے فیصلے پر اپنا رد عمل ظاہر کرتے ہوئے آج کے دن کو سیاہ دن سے تعبیر کیا ہے۔
ایم آئی ایم رکن پارلیمان کا رد عمل
امتیاز جلیل کا کہنا ہے کہ ملک کی اعلی عدالتوں سے اس طرح کے فیصلے صادر ہوں گے تو ملک کی اقلیتوں کا عدلیہ پر سے اعتماد ختم ہوجائے گا۔
اورنگ آباد کے رکن پارلیمان نے اس پورے معاملے میں کانگریس کو بھی برابر کا قصوروار قرار دیا تاہم یہ بھی کہا کہ مسلم پرسنل لا بورڈ کی ہدایت پر مسلمان عمل کریں گے۔
