پارلیمانی اجلاس اور دیگر مصروفیات کی وجہ سے حالیہ عرصے میں شہر سے باہر رہے، ایم پی امتیاز جلیل نے آخر کار نہرو بھون کی تعمیر نو کا جائزہ لیا۔اس موقع پر میونسپل کارپوریشن کے اعلی افسران اور کانٹریکٹر بھی موجود تھے۔ایم پی جلیل نے تعمیر اتی کام کا بغور جائزہ لیا ، سرکاری حکام اور گتہ دار کو مقررہ مدت میں نہرو بھون کی تعمیر نو کو مکمل کرنے کی ہدایت کی میڈیا سے بات چیت کے دوران ایم پی جلیل نے ا مید ظاہر کی کہ نئی عمارت تمام تر جدید سہولیات سے آراستہ ہوگی اور اس کامپلیکس کی وجہ سے علاقے کا نقشہ بدل جائے گا۔ Construction Work of Nehru Bhawan in Aurangabad
سات ہزار نو سو چودہ اسکوائر میٹر کے رقبے پر نہرو بھون کی نئی عمارت تعمیر ہوگی، اس چار منز لہ عمارت کی پہلی منزل پر شاپنگ کامپلیکس میں بیس دکانیں، دوسری منزل پر تاجروں کے دفاتر، سرکاری دفاتر کے علاوہ آڈی ٹوریئم ،گیسٹ ہاؤس اور کلچرل ہال رہے گا، انڈر گراؤنڈ میں پارکنگ کی سہولت کا انتظام رہے گا۔ میونسپل کارپوریشن نے دکانیں تیس سال کے لیے لیز پر دینے کا فیصلہ کیا ہے جس کے لیے باضابطہ ہراج کا طریقہ کار اختیار کیا جائےگا۔
