ممبئی کرائم برانچ کو صنعت کار اور ملک کے سب سے امیر شخص مکیش امبانی کے گھر انٹیلیا کے باہر مشتبہ کار معاملے میں اہم سراغ ملا ہے۔ ممبئی کرائم برانچ کو مولنڈ ٹول پلازہ کا سی سی ٹی وی فوٹیج حاصل ہوا ہے، جس میں سفید انووا کار شام ساڑھے تین بجے مولونڈ ٹول کو کراس کر ٹھانے شہر میں داخل ہو رہی ہے۔
معلومات کے مطابق اس کار میں اسکارپیو کا ڈرائیور بھی پچھلی سیٹ پر بیٹھا ہے، جس نے خود کو چھپا لیا ہے۔ اب ایجنسیاں گھوڈبندر، ٹھانے شاہ پور، ناسک، بھیونڈی تک کے سی سی ٹی وی فوٹیج اسکین کررہی ہے۔ بتایا جارہا ہے کہ انووا میں بھی جعلی نمبر پلیٹ استعمال ہو سکتا ہے۔
