مہاراشٹر کی اورنگ آباد پولیس نے آن لائن ہتھیاروں کی خرید وفروخت کے معاملے میں ایک شخص کو گرفتار کیا ہے۔ پولیس نے گرفتار ملزم کے پاس سے تقریباً اکتالیس سے زائد تلواریں ضبط کی ہیں۔
پولیس ذرائع کے مطابق گزشتہ روز اورنگ آباد پولیس کو خفیہ اطلاع ملی کہ ایک شخص نے پارسل کے ذریعے ہتھیار باہر سے منگوایا ہے۔ جس کے بعد اورنگ آباد پولیس نے گاڑیوں کی تلاشی شروع کی اس دوران ایک گاڑی سے کچھ تلواریں برآمد ہوئیں، جس کے بعد پولیس نے جب مکمل طور پر تلاشی شروع کی تو گاڑی سے کل 41 تلواریں برآمد ہوئیں ہیں۔
وہیں ملزمین کا کہنا ہے کہ ان سبھی ہتھیاروں کو کسی تہوار میں کرائے پر دینے کے لیے منگوایا گیا ہے۔
مزید پڑھیں:اورنگ آباد: حکم امتناع کی خلاف ورزی، متعدد افراد پر کیس درج
فی الحال اورنگ آباد پولیس اس معاملے کی تحقیقات کررہی ہے اب دیکھنا یہ ہے کہ پولیس کہاں تک کامیاب ہوتی ہے۔
