ملک کی 5 ریاستوں میں انتخابی مہم اپنےشباب پر ہے مغربی بنگال میں 8؍ مرحلوں میں ہونے والی ووٹنگ 27؍ مارچ سے شروع ہوگئی ہے۔
اسی درمیان شیوسینا کے ترجمان اور رکن پارلیمنٹ سنجے راوت نے کہا کہ اس سے کوئی فرق نہیں پڑتا کہ بی جے پی مرکز سمیت اپنے تمام لیڈران کو مغربی بنگال میں جیت حاصل کرنے کے لیے جھونک دیا ہے۔
بی جے پی سے تنہا مقابلہ کرنے والی شیرنی ممتا بنرجی ہی آسانی سے جیت درج کروا کر مغربی بنگال کے اقتدار پر پر قابض رہیں گی۔
ان نتائج کے بعد واضح ہوگا کہ ملک کی سیاست کس سمت جا رہی ہے اور اپوزیشن کے اتحاد کے قیام میں وہ کیا کردار ادا کریں گے۔
مغربی بنگال آسام، کیرالہ اور تمل ناڈو ان چار صوبوں میں ہونے والے انتخابات ہی ملک کے مستقبل کی سیاست میں اہم رول ادا کریں گے۔
