مالیگاؤں میں چوری کے الزام میں نوجوان گرفتار

ریاست مہاراشٹر کے شہر مالیگاؤں میں واقع رمضان پورہ پولیس کی حدود میں پانچ پنجتن چوک سے ملزم عرفان شیخ کو 30 ہزار روپے چھین کر فرار ہونے کے معاملے میں گرفتار کیا گیا ہے۔

کارخانہ مالک کے مطابق عرفان نامی نوجوان دو مہینے قبل ان کے پاؤں پر حملہ کر کے 30 ہزار روپے چھین کر فرار ہو گیا تھا۔

اس معاملے میں پولیس کو خفیہ جانکاری ملی تھی کہ ملزم عرفان شیخ پانچ پنجتن چوک پر موجود ہے۔ اس کے بعد رمضان پورہ پولیس نے فوراً کارروائی کرتے ہوئے موقع پر پہنچ گئی لیکن تب ہی ملزم پولیس کو دیکھ کر فرار ہوگیا۔

رمضان پورہ پولیس عملہ نے خفیہ طور پر تقریباً ایک سے ڈیڑھ کلومیٹر تک ملزم کا پیچھا کیا اور موقع ملتے ہی ملزم کو گرفتار کرلیا گیا۔

پولیس نے چوری کا مقدمہ درج کیا ہے۔