مالیگاؤں میونسپل کمشنر بھالچندر گوساوی نے معلومات دی کہ گزشتہ کئی روز سے نجی ہسپتالوں میں کورونا مریضوں سے زائد بل کی وصولی کئے جانے کے معاملے میں شیوسینا لیڈر سنیل دیورے نے ڈاکٹر سپنا ٹھاکرے کو معطل کرنے کی مانگ کی تھی جس کے بعد ان کا تبادلہ کر دیا گیا اور اس عہدے پر کارگزار ہیلتھ آفیسر ڈاکٹر ہیمنت گڈھری کی تقرری عمل میں آئی ہے۔
واضح رہے کہ ڈاکٹر سپنا ٹھاکرے کو ہیلتھ آفیسر کے عہدے سے ہٹائے جانے پر میونسپل کارپوریشن حلقوں میں بے چینی کا ماحول پیدا ہوگیا ہے۔
اس تعلق سے ڈاکٹر سپنا ٹھاکرے نے کہا کہ انہوں گھریلو مصروفیات کے سبب میونسپل کمشنر کو مکتوب دیا کہ انہیں اس پوسٹ پر اور زیادہ دن کام نہیں کرنا اس لیے انہوں نے عہدے سے مستعفی ہونے کا فیصلہ کیا جسے کمشنر نے قبول کر لیا۔
