شہر مالیگاؤں کے رکن اسمبلی مفتی محمد اسماعیل نے کورونا کے بڑھتے معاملات پر طبی سہولیات کا جائزہ لینے کے لیے کووڈ سینٹر سہارا ہاسپٹل، سِوِل ہاسپٹل کا اچانک دورہ کیا۔
اس تعلق سے رکن اسمبلی مفتی محمد اسماعیل نے بتایا کہ 'مالیگاؤں سِوِل ہاسپٹل کو تعلقہ کے مریضوں کے لیے متعین کیا گیا تھا اور سہارا ہاسپٹل کو مالیگاؤں سینٹرل اور آؤٹر کے مریضوں کے لیے رکھا گیا تھا لیکن ابھی دوسرے تعلقہ سے مریضوں کی بڑی تعداد مالیگاؤں آرہی ہے۔
واضح رہے کہ ماضی میں شہر کی صورتحال انتہائی تشویشناک تھی لیکن شہریان نے کورونا کو شکست دے کر مالیگاؤں پیٹرن کی مثال قائم کی۔
ماضی میں کورونا وبا سے متاثرہ مریضوں کو کووڈ سینٹر میں علاج سے متعلق بہترین سہولیات مہیا کی گئی تھی جس کی وجہ سے آج دیگر تعلقہ کے مریضوں کی بڑی تعداد مالیگاؤں شہر کا رخ کررہی ہے جس کی وجہ سے کووڈ سینٹرز کا انتظام ناکافی لگ رہا ہے۔
انہوں نے مزید کہا کہ 'مالیگاؤں کے ہاسپٹلز کے دروازے ہر کسی کے لیے کُھلے ہیں لیکن ابھی کی صورتحال انتہائی تشویشناک ہوتی جارہی ہے جس کی وجہ سے کافی پریشانیوں کا سامنا کرنا پڑا ہے۔
رکن اسمبلی مفتی محمد اسماعیل نے مالیگاؤں میونسپل کارپوریشن انتظامیہ سے مطالبہ کیا کہ ٹیکس دینے والے لوگوں کو پہلے سہولیات مہیا کی جائے اور کووڈ سینٹرز کے انتظامات کو بہتر بنایا جائے۔
