مالیگاؤں : پردھان منتری آواس یوجنا سے چھ سو مکانات کی تعمیر منظور

مرکزی حکومت کی جانب سے جاری پردھان منتری آواس یوجنا کے تحت بھارت کے بڑے شہروں میں فلیٹ، مکانات اور رہائشی ٹاور کی تعمیر کے لیے قرض اور دیگر سہولیات دی جاتی ہے۔ اس یوجنا سے عام آدمی بھی قسط واری مکان خرید سکتا ہے۔ اس یوحنا کا مقصد بستی میں رہنے غریب مزدوروں کو معیاری مکانات کی بآسانی فراہمی کرنا ہے۔

فریحہ بلڈر کی زیر تعمیر ارسٹوٹل ٹاون شپ اور پردھان منتری آواس یوجنا کے ذمہ داران کی جانب سے بروز بدھ کو شام چار بجے ہوٹل مراٹھا دربار میں پریس کانفرس منعقد کی گئی۔

مالیگاؤں : پردھان منتری آواس یوجنا سے چھ سو مکانات کی تعمیر منظور

اس پریس کانفرنس میں انجینئر عارف شاہ، اسلم پٹھان ممبئی اور میگا گوارے(رابطہ کار پردھان منتری آواس یوحنا) نے خطاب کیا۔

پردھان منتری آواس یوجنا رابطہ کار میگا گوارے میڈیم نے مرکزی حکومتی کی اسکیم کےبارے میں تفصیلی معلومات پیش کی۔ انھوں نے کہا کہ اس اسکیم سے مقامی افراد کو برائے راست فائدہ ہوگا۔

انجینیر عارف شاہ(فریحہ بلڈر) نے ای ٹی وی بھارت کے نمائندے ایس این انصاری کو ارسٹوٹل ٹاون شپ کے بارے میں بتایا۔ انھوں نے کہا کہ مالیگاؤں شہر میں یہ اولین پروجیکٹ ہے جو مرکزی حکومت سے منظور شدہ ہے۔ اس ٹاون شپ میں چار رہائشی ٹاور چھ سو مکانات پر مشتمل ہوں گے۔ اس کے علاوہ اسکول، دواخانہ، پارک، پارکنگ و دیگر بنیادی سہولیات انتہائی مناسب و قسط واری داموں میں دستیاب ہوں گی۔