وزیراعلیٰ ادھو ٹھاکرے کو بھیجے گئے میمورنڈم میں مطالبہ کیا گیا ہے کہ اگر مہاراشٹر حکومت واقعی میں سیکولر ہے تو وہ ملک میں بدامنی پھیلانے اور مسلمانوں کے مذہبی جذبات مجروح کرنے والے وسیم رضوی کے خلاف کیس درج کرے۔
میمورنڈم میں مزید کہا گیا کہ ریاستی حکومت نے ہر ضلع کلکٹر کو کورونا وبا سے تحفظ کے لیے کرفیو کا نفاذ، لاک ڈاؤن، ماسک لگانے کے لیے سختی برتنے کے لیے کہا ہے لیکن بی ایس پی کی گزارش ہے کہ جو لوگ لاک ڈاؤن اور کورونا گائیڈ لائنز کی خلاف ورزی کر رہے ہیں ان سے جرمانہ وصول کیا جائے۔
اس بات کی وضاحت مالیگاؤں حلقہ اسمبلی نمبر 114 کے بی ایس پی صدر ظہور زمزم والا نے کی۔ انہوں نے کہا کہ ماسک لگانے سے چند افراد کو سانس لینے میں دشواری پیش آرہی ہے۔ دمہ کے مریضوں کو ماسک سے تکلیف ہوتی ہے اور مناسب آکسیجن نہ ملنے پر کئی افراد دل کت مرض کا بھی شکار ہورہے ہیں اس لیے ایسے افراد کو کچھ رعایت دینی چاہیے۔
