دو کامیاب نشستوں کے بعد 13 اگست 2021 بروز جمعہ کی رات میں 9 بجے اسلام نگر مکہ مسجد کے سامنے کنھڈیل وال اسکول میں تیسری فی البدیہہ شعری نشست کا انعقاد عمل میں آئے گا، جس کی صدارت محسن اردو ادب جناب یحی عبدالجبار کریں گے جب کہ سرپرستی جناب ڈاکٹر نعیم اختر، جناب نجمی ابن جاوید اور جناب اقبال نذیر کریں گے۔ نظامت کے فرائض جناب رئیس ستارہ کے ذمے ہوں گے۔
یہ بھی پڑھیں:مالیگاؤں: مچھلی پر اللہ لکھا ہونے کا دعویٰ
نگراں معروف شاعر جناب آزاد انور ہوں گے۔اس نشست میں مشہور عالم دین، شاعر و ادیب، مفکر و مفسر علامہ جلال الدین قاسمی کی تحریر کردہ علم عروض کی کتاب بطور ہدیہ و اعزاز بڑے خلوص کے ساتھ تمام شعراء کی خدمت میں پیش کی جائے گی۔
تیسری فی البدیہہ شعری نشست 13 اگست 2021 بروز جمعہ رات 9 بجے اسلام نگر ، مکہ مسجد، کھنڈیل وال اسکول میں منعقد ہوگی۔ اس نشست کے کنوینر ندا فاروقی اور کلیم احمد کلیم نے تمام معزز شعرا کرام سے گزارش کی ہے کہ اپنی ادبی بیداری کا ثبوت دیتے ہوئے اس خبر کو ہی دعوت نامہ سمجھ کر تشریف لائے اور اردو کی ترویج و اشاعت میں اپنا کردار ادا کرے۔
