پولیس نے بتایاکہ مہاراشٹر کے رائےگڑھ ضلع کے خالہ پور کے قریب جمعہ کے روز آرٹ ڈائریکٹر نتن دیسائی کی ملکیت والی این ڈی فلم اسٹوڈیو میں اچانک آگ بھڑک اٹھی۔
انہوں نے بتایا کہ رات 12.15 بجے کے قریب آگ بھڑک اٹھی اور ابھی تک کسی جانی نقصان کی اطلاع نہیں ہے۔
ایک عہدیدار نے بتایا کہ اس سے قبل اس طرح کی آگ 2008 میں آنے والی فلم 'جودھا اکبر' کے سیٹ پر لگی تھی ، جس میں ہریتک روشن اور ایشوریا رائے بچن نے اداکاری کی تھی۔
انہوں نے کہا ، "ایم آئی ڈی سی ، کرجت ، کھوپولی اور ہمسایہ علاقوں سے آگ بجھانے والی متعدد گاڑیاں موقع پر پہنچ گئیں اور آگ کے شعلوں کو بجھانے کی کوششیں جاری ہیں ،" انہوں نے مزید کہا کہ آگ لگنے سے پلائیووڈ، اور دیگر چیزیں جل گئیں۔
آگ لگنے کی اصل وجہ کے بارے میں ابھی تک پتہ نہیں چل سکا ہے۔
