مہاراشٹر: سڑک حادثے میں پانچ ہلاک

ممبئی ۔ پونے ہائی وے پر بور گھاٹ پر ایک پرائیویٹ بس حادثے کا شکار ہوگئی۔ اس حادثے میں پانچ افراد ہلاک ہو گئے جس میں ایک دو برس کا بچہ بھی شامل ہے۔

اس کے علاوہ چالیس افراد کے زخمی ہونے کی اطلاع ہے۔

یہ حادثہ آج صبح میں پانچ بجے کے قریب پیش آیا۔

بتایا جاتا ہے کہ ڈرائیور کا گاڑی پر قابو نہیں رہا جس کی وجہ سے بس حادثے کا شکار ہو گئی۔

اس حادثے میں زخمی ہونے والے افراد کو کھپولی میں واقع سرکاری ہسپتال پہنچایا گیا ہے۔

پولیس جائے واقعہ پر پہنچ کر راحت کاری کے کام میں مصروف ہے۔