ریاست مہاراشٹر کے دارالحکومت ممبئی سے متصل مگر تقریباً پانچ گھنٹے انتظار کے بعد بھی بے حال مزدوروں کیلئے ٹرین کا کوئی بندوبست نہیں ہوسکا۔
مقامی پولیس کے کہنے پر مزدور اپنا سامان اور بال بچوں کے ساتھ پہنچے تھے تقریباً پانچ گھنٹہ انتظار کرانے کے بعد انہیں واپس لوٹا دیا گیا۔
ممبرا پولیس نے سبھی موجود مزدوروں کو بتایا کہ ابھی تک بہار اور مہاراشٹر حکومت کی جانب سے کوئی حتمی فیصلہ نہیں ہو سکا ہے اور نہ ہی ٹرین کا انتظام ہو سکا ہے جب انتظام ہو گا تو مطلع کیا جائیگا۔
ہفتوں کی بھاگ دوڑ اور تیز دھوپ اور لمبی قطار میں کھڑے ہو کر ممبرا پولیس اسٹیشن میں فارم جمع کرنے کے بعد ریاست بہار کے سیکڑوں مزدوروں کو ممبرا پولیس اسٹیشن سے فون کرکے دوپہر دو بجے ممبرا پولیس اسٹیشن کے مقابل واقع بہو بلی جین مندر گراؤنڈ میں بلایا گیاتھا۔
کئی گھنٹے گزرنے کے بعد انہیں بتایا گیا کہ بس آئے گی جس کے بعد انہیں اسٹیشن چھوڑ دیا جائے گا۔آخر کار شام میں تقریباً 6 بجے ممبرا پولیس اسٹیشن کے چند اہلکاروں نے مائیکرو فون سے بتایا کہ بہار حکومت سے منظوری نہیں ملی ہے اور جیسے ہی منظوری ملے گی انہیں مطلع کیا جائے گا اور جس شخص کو وہاں سے منظوری ملے گی اسے ہی جانے کی اجازت دی جائے گا۔
ممبرا واقع جین مندر گراؤنڈ میں مزدوروں کو جمع کیا گیا تھا وہاں پینے کے پانی اور دیگر سہولت مہیا نہیں کرائی گئی تھی ۔مزد وروں نے بتایا کہ ان کے پاس اتنا پیسہ نہیں ہے کہ وہ کرایہ ادا کر سکیں۔ لیکن اب تک انہیں کوئی اطلاع نہیں دی گئی ہے کہ کرایہ لیا جائے گا یا نہیں۔
