ریاست مہاراشٹر کے وزیر صحت راجیش ٹوپے کی والدہ شاردا تائی ٹوپے کا ہفتہ کی رات طویل علالت کے بعد انتقال ہوگیا۔
راجیش ٹوپے نے ٹویٹر پر لکھا کہ 'طویل علالت کی وجہ سے میری والدہ شاردا تائی ٹوپے فوت ہوگئی۔ ان کی عمر 74 برس تھی اور ان کا گزشتہ ایک مہینے سے بامبے اسپتال میں علاج چل رہا تھا۔'
یہ بھی پڑھیں
آج دن بھر کی اہم خبروں پر ایک نظر
وزیر اعلیٰ ادھو ٹھاکرے نے شارداتائی ٹوپے کے انتقال پر تعزیت کا اظہار کیا ہے۔
ادھو ٹھاکرے نے ٹویٹر پر لکھا کہ 'وزیر صحت راجیش ٹوپے کی والدہ شری شاردا تائی کے انتقال کے بارے میں سن کر بہت رنج ہوا۔ اسپتال میں چند ماہ رہنے کے بعد بھی راجیش ٹوپے جی نے کورونا کے خلاف جنگ کے دوران مہاراشٹر کی دیکھ بھال کی۔'
واضح رہے کہ اس سے قبل بھی ٹوپے کی والدہ کو مارچ میں ایک ماہ کے لئے اسپتال میں داخل کرایا گیا تھا ۔ وہ صحت یاب ہونے کے بعد گھر واپس لوٹی تھیں لیکن گزشتہ ایک ماہ سے اسے دوبارہ بامبے اسپتال میں داخل کرایا گیا تھا۔
