ممبئی: مہاراشٹر کے گورنر بھگت سنگھ کوشیاری نے کہا ہے کہ انہوں نے اپنے حالیہ دورہ ممبئی کے دوران وزیر اعظم نریندر مودی کو سیاسی ذمہ داریوں سے سبکدوش ہونے کی خواہش سے آگاہ کیا۔
گورنر ہاؤس سے جاری ایک بیان میں مسٹر کوشیاری نے اپنی باقی زندگی پڑھنے، لکھنے اور دیگر تفریحی سرگرمیوں میں گزارنے کی خواہش ظاہر کی۔
مسٹر کوشیاری نے پیر کو گورنر ہاؤس کی طرف سے جاری ایک ریلیز کے ذریعے یہ جانکاری دی ہے۔
مسٹر کوشیاری نے کہاکہ میرے لیے ایک راجیہ سیوک یا مہاراشٹر جیسی عظیم ریاست، سنتوں، سماجی مصلحوں اور بہادر جنگجوؤں کی سرزمین کے گورنر کے طور پر خدمات انجام دینا میرے لیے اعزاز کی بات ہے۔
انہوں نے کہا کہ میں مہاراشٹر کے لوگوں سے پچھلے تین سال سے زیادہ عرصے کے دوران جو پیار ملا ہے اسے میں کبھی نہیں بھول سکتا۔
یہ بھی پڑھیں:AIMIM MP Imtiaz Jaleel موک ڈرل کے نام پر مسلمانوں کو بدنام کرنے کی کوشش:رکن پارلیمان اِمتیاز جلیل
گورنر نے کہاکہ وزیر اعظم مودی کے حالیہ دورہ ممبئی کے دوران میں نے انہیں تمام سیاسی ذمہ داریوں سے آزاد کرنے اور اپنی باقی زندگی پڑھنے، لکھنے اور دیگر سرگرمیوں میں گزارنے کی خواہش ظاہر کی ہے۔ مجھے وزیر اعظم کی طرف سے ہمیشہ پیار ملا ہے اور مجھے امید ہے کہ مستقبل میں بھی اس حوالے سے ایسا ہی پیار ملے گا۔
یواین آئی
