اسمبلی انتخابات کے لیے جاری پولنگ میں وزیراعلیٰ دیویندر فڑنویس نے ناگپور اسمبلی حلقے میں حق رائے دہی کا استعمال کیا، ان کے ساتھ ان کی بیوی بھی موجود تھیں۔
اس کے ساتھ ہی معروف نغمہ نگار گلزار، پریم چوپڑا، عامر خان، کرن راؤ، سہیل خان، سنجے خان، گووندا، لارا دتہ، اتل کلکرنی، رتیش دیشمکھ، جینیلا ڈی سوزا، روی کشن، مادھوری دکشت، ہیمامالنی سمیت کئی فلمی ہستیوں نے بھی ووٹ کیا۔
اس دوران ورلی اسمبلی نشست سے شیوسینا کے امیدوار آدتیہ ٹھاکرے نے بھی ووٹ ڈالا جبکہ مایہ ناز کرکٹ کھلاڑی سچن تیندولکر نے اپنی بیوی کے ساتھ ممبئی میں اپنے حق رائے دہی کا استعمال کیا نیز این سی پی سربراہ شرد پوار، رکن پارلیمان سپریہ سلے کانگریس کے رہنما سشل کمار شندے، ملند دیورا، ایم این ایس سربراہ راج ٹھاکرے، ایم آئی ایم رکن پارلیمان امتیاز جلیل اور دیگر سیاسی رہنماؤں نے بھی اپنے جمہوری حق کا استعمال کرتے ہوئے ووٹ کیا۔
