مہاراشٹر اسمبلی میں وزیر اعلی ادھو ٹھاکرے نے اعلان کرتے ہوئے کہا کہ 'حکومت آج درمیانی شب سے سنہ 1897 کے وبائی امراض ایکٹ نافذ کر رہی ہے۔
انہوں نے کہا کہ جہاں بھی ممکن ہو کمپنیوں کو کورونا وائرس کے خطرے کے پیش نظر ملازمین کو گھر سے کام کرنے کی اجازت دینی چاہیے۔
وزیر اعلی نے اعلان کیا کہ پونے، پمپری چنچوڑ میں اسکول آئندہ اعلان ہونے تک بند رکھا جائے۔ تاہم ایس ایس سی کے امتحانات شیڈول کے مطابق جاری رہیں گے۔
انہوں نے ایوان میں یہ بھی بتایا کہ اب تک ریاست میں 17 افراد کی کورونا وائرس میں مثبت رپورٹ آئی ہے۔ ممبئی اور ناگپور میں تین تین، پونے میں 10 اور تھانہ میں ایک شخص کورونا وائرس سے متاثر ہے۔
