پولیس کی طرف سے شہر، گاؤں کے چوراہوں اور اہم راستوں پر پولیس کی گاڑی کے ذریعے اعلانات کیے جارہے ہیں کہ جو لوگ دکانیں ہوٹل بند نہیں رکھیں گے ان پر قانونی کاروائی کی جائے گی۔
اس تعلق سے عوام کو بتایا جارہا ہے کہ کورونا وائرس سے بچنے کے لیے احتیاط برتیں، زیادہ بھڑ بھاڑ والے علاقوں میں نہ جائیں، ضرورت کے وقت ہی گھر سے باہر نکلا جائے اور پر وقت اپنے منہ کو ڈھانپ کر نکلیں، رشتے دار و دوست احباب سے بلا وجہ ملنے سے گریز کریں، صابن سے اچھے سے ہاتھ دھوئیں، چھینکتے وقت اور کھانستے وقت رومال کا استعمال کریں۔
انتطامیہ نے عوام سے اپیل کی ہے کہ اگر کسی بھی شخص میں کورونا وائرس کی کوئی علامت دکھائی دے تو فوراً نزدیک کے سرکاری اسپتال میں اسے داخل کرایا جائے۔
واضح رہے کہ بھارت میں کورونا وائرس سے متاثرہ 258 مریضوں کے معاملات سامنے آچکے ہیں جن میں 39 غیر ملکی باشندے شامل ہیں۔
اس مہلک وائرس کے سبب ملک میں اب تک پانچ افراد کی موت ہوچکی ہے۔
کورونا وائرس کے پیش نظر وزیراعظم نریندر مودی نے 22 مارچ کو سات تا نو بجے تک جنتا کرفیو کا اعلان کیا ہے۔
