مالیگاؤں: مہاراشٹر کے مسلم اکثریتی شہر مالیگاؤں میں جمعیت العلماء (سیلمانی چوک) کے زیر اہتمام 'سدبھاؤنا منچ' کے تحت اسکس ہال میں ایک اہم پروگرام کا انعقاد کیا گیا جس کی صدارت مفتی آصف شعبان نے کی جبکہ مذکورہ پروگرام میں مختلف مذاہب کے پیشواؤں کے علاوہ متعدد تنظیموں کے ذمہ داران اور شہر کی سرکردہ شخصیات کو بطور مہمان خصوصی مدعو کیا گیا۔ Sadbhavna Manch Program in Malegaon
اس پروگرام کے اختتام پر شری رنگ اورھت آشرم کے ذمہ دار شری ماؤلی مہاراج نے ای ٹی وی بھارت کو بتایا کہ آج ہر شخص امن و امان چاہتا ہے، اس لیے بھائی چارے اور امان کے پیغام کو اپنی گلیوں سے شروع کریں اور پھر راستوں پر آئیں۔ انہوں نے کہا کہ وہ گزشتہ 20 برسوں سے مالیگاؤں میں رہائش پذیر ہیں اور اکثر و بیشتر دوسرے شہروں اور مختلف ممالک کا دورہ بھی کرتے ہیں۔ دراصل حقیقت یہ ہیکہ مالیگاؤں شہر کی شبیہ ملک بھر میں خراب ہوچکی ہے۔ جمعیت سدبھاؤنا منچ کی یہ کوشش خراب شبیہ کو بدلنے میں مددگار ثابت ہوگی۔ Sadbhavna Manch Program in Malegaon
اس دوران جمعیت العلماء(سیلمانی چوک) کے صدر مفتی آصف شعبان نے اس پروگرام کا مقصد بتاتے ہوئے کہا کہ جمعیت سدبھاؤنا منچ کے اس پروگرام میں ہر مذاہب کے پیشواؤں کو مدعو کیا گیا تھا جنہوں نے اپنی تقریر میں ملک کے ہر باشندے کو مل جل کر زندگی گزارنے کا پیغام دیا ہے۔ انہوں نے مزید کہا کہ جس طرح سے ہم نے تمام اختلافات کو ختم کرکے کندھے سے کندھا ملا کر ملک کو آزاد کروایا ہے اسی طرح ملک کو آباد کرانے کی ذمہ داری بھی ہماری ہے۔ Sadbhavna Manch Program in Malegaon
یہ بھی پڑھیں: Derogatory Remarks Against Prophet: جموں میں موجودہ صورتحال پر مفتی محمد آصف سے خصوصی گفتگو
